بودنج البلح

منذ 3 سنوات و 10 شهور
959

المقادير: 1¾ كوب دقيق ¼ كيلو تمر منزوع النوى 1½ كوب ميه سخنة ملعقة صغبيرة كربوناتو 1/8 كيلو زبدة طرية كوب سكر 2 بيضة فانيليا الطريقة: 1- اخلطي التمر مع الكربوناتو وصبّي عليهم الميه السخنة وسيبيهم على جنب لمدة 20 دقيقة. 2- اخلطي الزبدة مع السكر والفانيليا ، واخفقيهم مع بعض بالمضرب الكهربي لغاية ما يختلطوا ويتجانسوا تماما ويبقى الخليط عامل زي الكريمة. 3- ضيفي بيضة واحدة على الخليط، واضربيهم كويس جدا مع بعض لغاية ما يتجانسوا، وبعد كده ضيفي البيضة التانية واخلطيهم كويس جدا. 4- ضيفي خليط التمر والدقيق على خليط الزبدة والبيض، وقلّبيهم مع بعض كويس جدا باستخدام ملعقة معدنية كبيرة، لغاية ما يختلطوا كويس وبتجانسوا مع بعض. 5- هاتي صينية وادهنيها بطبقة خفيفة من الزبدة، وصبّي فيها خليط البودينج، ودخّليها في فرن ساخن على 180 درجة وسيبيها لمدة من 35 : 40 دقيقة لغاية ما البودينج يستوي تماما، وممكن تتأكدي من كده بإنك تدّخلي عود خشبي فيه ولو طلع نظيف يبقى استوى. 6- طلّعي البودينج من الفرن وسيبيه يبرد شوية وقطّعيه وقدّميه، وممكن تقدّمي معاه صوص كراميل.

مجموع 0 تقييم 0.00

التعليقات (0)

الرجاء الدخول لإضافة تعليق