نصائح للحصول علي دجاج مشوي طري

أفكار ونصائح منذ 3 سنوات و 9 شهور 2874
نصائح للحصول علي دجاج مشوي طري

نصائح للحصول علي دجاج مشوي طري
بالنسبه للتتبيله اهم عناصر التتبيله اللي تضمن لك طراوة لحم الدجاج ( الزبادي ، عصير الليمون او الخل بس انا افضل عصير الليمون للدجاج ) التتبيله تبات فيها الدجاجه يوم لو تقدري علشان تشرب الطعم و تلين الأنسجة
تاني نصيحه حسب الشوي لو حتشوي في شوايه الفرن حطي صينية مليانه ميه تحت الدجاجه علشان من ناحيه تقع فيها اي دهون نازله من الفرخه و ما تتحرقش في الفرن و من ناحيه تانيه بخار الميه يرطب الجو للدجاجه لو حتشوي في صينية جربي الشوي في أكياس الفرن الحراريه حتعجبك النتيجه جدا بتحافظ علي نضافه الفرن و الصينيه ، بتوفر في الوقت ، بتساعد ان النكهه تتغلغل داخل الدجاجه بزياده ، كمان اللحم بيكون طري و بيتكون لون الشي المحمر علي الجلد حتي لو ما عندكيش شوايه للتحمير
ده شكلها و بيكون نوع مخصوص للفرن
النصيحة التالته : ما تسيبيش الفرخه في الفرن اكتر من اللزوم حاولي تلتزمي بمده الشوي علشان ما تنشفش منك
النصيحة الرابعة : بعد ما تخلص طلعيها في طبق و غطيها بفويل ١٠ دقائق علي الأقل ده بيساعد ان ألعصاره ترجع تتوزع في الأنسجة بطريقه متساوية و لو قطعتيها علي طول ألعصاره بتهرب من الدجاجه للطبق
و لو عندك نصيحه كمان شاركينا بيها في التعليقات و ان شاء الله يكون عندك أحلي و ألذ فرخه مشويه
 

التعليقات (0)

كن أول من يعلق على هذا الموضوع.

بإمكانك الدخول بواسطة أسم المستخدم أو بريدك الألكتروني

- أو -